देव्यपराधक्षमापनस्तोत्रम् का स्रोत देखें

'''देव्यपराधक्षमापनस्तोत्रम्''' [[आदि शंकराचार्य|आदि गुरु शंकराचार्य]] द्वारा रचित सर्वश्रेष्ठ एवं कर्णप्रिय स्तुतियों में से एक है।

{{हिन्दू धर्म सूचना मंजूषा}}

== स्तोत्र ==
'''अथ देव्यपराधक्षमापनस्तोत्रम्'''

'''||श्री गणेशाय नमः|| हरि: ॐ'''

न मन्त्रं नो यन्त्रं तदपि च न जाने स्तुतिमहो<br />
न चाह्वानं ध्यानं तदपि च न जाने स्तुतिकथाः।<br />
न जाने मुद्रास्ते तदपि च न जाने विलपनं<br />
परं जाने मातस्त्वदनुसरणं क्लेशहरणम् ॥१॥

विधेरज्ञानेन द्रविणविरहेणालसतया<br />
विधेयाशक्यत्वात्तव चरणयोर्या च्युतिरभूत्।<br />
तदेतत्क्षन्तव्यं जननि सकलोद्धारिणि शिवे<br />
कुपुत्रो जायेत क्वचिदपि कुमाता न भवति ॥२॥

पृथिव्यां पुत्रास्ते जननि बहवः सन्ति सरलाः<br />
परं तेषां मध्ये विरलतरलोऽहं तव सुतः।<br />
मदीयोऽयं त्यागः समुचितमिदं नो तव शिवे<br />
कुपुत्रो जायेत क्वचिदपि कुमाता न भवति ॥३॥

जगन्मातर्मातस्तव चरणसेवा न रचिता<br />
न वा दत्तं देवि द्रविणमपि भूयस्तव मया।<br />
तथापि त्वं स्नेहं मयि निरुपमं यत्प्रकुरुषे<br />
कुपुत्रो जायेत क्वचिदपि कुमाता न भवति ॥४॥

परित्यक्ता देवा विविधविधसेवाकुलतया<br />
मया पञ्चाशीतेरधिकमपनीते तु वयसि।<br />
इदानीं चेन्मातस्तव यदि कृपा नापि भविता<br />
निरालम्बो लम्बोदरजननि कं यामि शरणम् ॥५॥

श्वपाको जल्पाको भवति मधुपाकोपमगिरा<br />
निरातंको रंको विहरति चिरं कोटिकनकैः।<br />
तवापर्णे कर्णे विशति मनुवर्णे फलमिदं<br />
जनः को जानीते जननि जपनीयं जपविधौ ॥६॥

चिताभस्मालेपो गरलमशनं दिक्पटधरो<br />
जटाधारी कण्ठे भुजगपतिहारी पशुपतिः।<br />
कपाली भूतेशो भजति जगदीशैकपदवीं<br />
भवानि त्वत्पाणिग्रहणपरिपाटीफलमिदम् ॥७॥

न मोक्षस्याकांक्षा भवविभववांछापि च न मे<br />
न विज्ञानापेक्षा शशिमुखि सुखेच्छापि न पुनः।<br />
अतस्त्वां संयाचे जननि जननं यातु मम वै<br />
मृडानी रुद्राणी शिव शिव भवानीति जपतः ॥८॥

नाराधितासि विधिना विविधोपचारैः<br />
किं रुक्षचिन्तनपरैर्न कृतं वचोभिः।<br />
श्यामे त्वमेव यदि किंचन मय्यनाथे<br />
धत्से कृपामुचितमम्ब परं तवैव ॥९॥

आपत्सु मग्नः स्मरणं त्वदीयं<br />
करोमि दुर्गे करुणार्णवेशि।br />
नैतच्छठत्वं मम भावयेथाः<br />
क्षुधातृषार्ता जननीं स्मरन्ति ॥१०॥

जगदम्ब विचित्रमत्र किं परिपूर्णा करुणास्ति चेन्मयि।<br />
अपराधपरम्परापरं न हि माता समुपेक्षते सुतम् ॥११॥

मत्समः पातकी नास्ति पापघ्नी त्वत्समा न हि।<br />
एवं ज्ञात्वा महादेवि यथायोग्यं तथा कुरु ॥१२॥

'''|| इति श्रीमद् परमहंस परिव्राज्रकाचार्य श्रीमच्छंकराचार्यकृतं देव्यपराधक्षमापनस्तोत्रम् संपूर्णम् ||'''

== बाहरी कड़ियाँ ==
* [https://web.archive.org/web/20180712000922/http://www.sankaracharya.org/ Complete Works of Shankaracharya]

{{हिन्दू धर्म}}

[[श्रेणी:स्तोत्र]]
[[श्रेणी:दुर्गा]]